Aeneas

Dr Aeneas (altgriechisch Αἰνείας Aineías, latinisiert Aeneas; dütsch au Äneas) isch e Persoon us dr griechische und au dr röömische Müthologii. Er stammt us ere Nääbelinie vom trojanische Herrschergschlächt und isch dr Soon vom Anchises und dr Göttin Afrodite (röm. Venus). Dr Aeneas gältet as dr Stammvater vo de Röömer.

Dr Homer verzellt, wie dr Aeneas mit sim Vater Anchises und sim Soon Askanios us em brennende Troja cha flüchte, und wien er uf Italie choo und dört d Stadt Alba Longa, d Mueterstadt vo Room, gründet het.